7 نصائح مهمة جدا لتعلم أي لغة

1 - ابدأ بداية بسيطة. 
بمعنى إنك هتحدد لنفسك أهداف سهلة إنها تتحقق وليكن مثلا هتحدد 50 كلمة هتبدأ تستخدمهم في تعاملاتك اليومية، وبعد كده هتزود وخطوة تانية انك هتبدأ تركز على الـGrammar، خود الموضوع ببساطة وخطوه خطوة علشان تقدر تحقق هدفك. 

2 - اللغة تكون اسلوب حياة.
لازم تمارس مهارات اللغة المختلفة بشكل يومي علشان تقدر تحقق تقدم فيها، الإستمرارية في ممارسة اللغة هي اللى هتميزك عن أي شخص تاني.

3 - استغل أي فرصة لاستدعاء وممارسة اللغة.
أي فرصة تجيلك إنك تمارس فيها اللغة لازم تستغلها، لو ليك صديق مثلا بيتكلم كويس ممكن تتكلم معاه، أو لو محتاج منه حاجة ممكن تكتبله، كل ده هيأدي لإنك تحسن اللغة وتتعلمها بسرعه.

4 - استغل التكنولوجيا.
لو لغة الموبايل بتاعك عربي تقدر تغيرها لأي لغة تانية وده هيساعدك على إنك تكتسب كلمات جديدة، نفسك الكلام مع جهاز بتستخدم أو الـFacebook ومواقع التواصل الاجتماعي اللى بتتعامل معاها.

5 - استمتع باللغة.
كل حد فينا ليه اهتمامات وهوايات مختلفة في حد مثلا بيحب يتفرج على أفلام Animation وبيلاقي متعته فيها في الحالة دي انت تقدر تتفرج على الـAnimation من غير ترجمه، في حد تاني بيحب يروح الـGym ودايما بيدور على تمارين مختلفة ووجبات صحية هنا انت تقدر تبحث باللغة اللى انت عاوز تتعلمها علشان الموضوع يبقى ممبتع بالنسبالك.

6 - اتكلم مع Native Speaker.
الإنترنت سهل علينا عملية التواصل لأنك دلوقتي تقدر تتواصل مع أس شخص في أي مكان بكل سهولة وتمارس معاه اللغة اللى انت حابب تتعلمها وفي مواقع كتيرة حاليا بتقدم ده وبتسهل عملية التواصل.

7 - ارتكاب الأخطاء مش عائق.
كتير من الطلبة اللى بيتعلموا بيخافوا انهم يغلطوا وده بيكون عائق في تعلم اللغة، لكن الحقيقة إن الأخطاء هى اللى هتساعدك في إنك تطور من نفسك وهتعرف إيه الأخطاء اللى عندك وهتقدر تتجنبها.

ودي كل المصادر اللى تقدروا تستعينوا بيها علشان تتقنوا اللغة اللى نفسكم تتعلموها.